"Lion"a qarşı oyun Benzia üçün xüsusi olacaq: "Qarabağ"ın adı xüsusi mahiyyət daşıyır deyə, sona qədər mübarizə aparacağıq"

"Əvvəllər oynadığım "Lion"a qarşı maraqlı olacaq. İndi isə "Qarabağ"ın üzvüyəm. Mənim üçün xüsusi əhəmiyyət daşıyır. Çox vacib oyundur".

Presssport.az xəbər verir ki, matçdan öncə Ağdam təmsilçisinin futbolçusu Yassin Benzia mətbuat konfransında iştirak edib.

Təcrübəli yarımmüdafiəçi ardından jurnalistlərin suallarını cavablandırıb.

- Əvvəl oynadığınız "Lion"la indiki arasında hansı fərqlər var? Sizcə, hansı komanda daha güclüdür?

- Çox böyük fərq var. Klub prezidentləri də dəyişib. Oynadığım zaman yüksək performans göstərirdik. Ancaq indiki "Lion" da çox yüksək səviyyəli komandadır.

- "Qarabağ"da oynamaq sizə hansı üstünlüklər verib?

- Bizim üçün "Qarabağ" sözünün mənası xüsusi əhəmiyyət daşıyır. Bu klubun formasını geyinmək, şərəfini qorumağa çalışırıq.

- Xüsusi deyəndə, nəyi nəzərdə tutursuz? Burda gördüyünüz yeniliklər haqda nə deyə bilərsiz?

- Hansısa kəşfiyyat məlumatları ilə məşğul deyilik. Baş məşqçimiz çox güclüdür. Xüsusi deyəndə müharibəyə görə "Qarabağ"ın Bakıda yerləşməsini nəzərdə tuturam. 

- "Lion"a qarşı oynayacaqsınız. Necə hissdir? 

- Ən yaxşı şəkildə hazırlaşmışıq. "Qarabağ"ın adı xüsusi mahiyyət daşıyır deyə, sona qədər mübarizə aparacağıq. "Lion"u tərk etdikdən sonra sabiq komandama qarşı 3-4 dəfə çıxış etmişəm.