AVRO-2024: İspaniya İtaliyanı məğlub etdi və 2-ci 1/8 finalçı oldu

AVRO-2024-də qrup mərhələsinin II turu davam edir.

Presssport.az xəbər verir ki, bu gün çempionatda 3 matç baş tutub.

Əvvəlcə C qrupunda Sloveniya Serbiya ilə qarşılaşıb. Serblər son saniyələrdə bərabərlik qolunu vuraraq məğlubiyyətdən qaçıb.

Ardından həmin qrupda Danimarka İngiltərə ilə qarşılaşıb. Bu görüş də 1:1 hesabı ilə başa çatıb. Bu qrupda 1-ci turda Sloveniya Danimarka ilə heç-heçə edib (1:1), İngiltərəsə Serbiyaya qalib gəlib (1:0).

Günün maraqla gözlənilən matçı B qrupunda keçirilib. Burada İspaniya millisi son Avropa çempionu İtaliya ilə üz-üzə gəlib. Matç ispanların minimal hesablı qələbəsi ilə başa çatıb. Bununla da pirineylilər xallarının sayını 6-ya çatdırmaqla Almaniyadan sonra 1/8 finala vəsiqəni təmin edən 2-ci yığma olub.

20 iyun

C qrupu

17:00. Sloveniya - Serbiya - 1:1

Qollar: Zan Karniçnik, 69 - Luka Yoviç, 90+5

Baş hakim: İştvan Kovaç (Rumıniya).

Münhen. "Alyans Arena".

20:00. Danimarka - İngiltərə - 1:1

Qollar: Morten Hyulmann, 34 - Harri Keyn, 18 

Baş hakim: Artur Diaş (Portuqaliya).

Frankfurt. "Valdştadion".

23:00. İspaniya - İtaliya - 1:0

Qol: Rikkardo Kalafiori, 55-avtoqol

Baş hakim: Slavko Vinçiç (Sloveniya).

Helzenkirhen. "Feltins Arena".