"Araz-Naxçıvan" "Neftçi"dən daha bir futbolçu transfer etdi

"Araz-Naxçıvan” növbəti transferini reallaşdırıb.

Presssport.az klubun rəsmi saytına istinadən xəbər verir ki, Turan Vəlizadə ilə müqavilə imzalanıb. 

23 yaşlı yarımmüdafiəçi qarşıdakı 1 il ərzində “qırmızı-ağlar”ın heyətində yer alacaq.

Turan “Neftçi”, “Keşlə”, “Şamaxı” və “Turan Tovuz”un formasını geyinib. O, karyerası ərzində 19 və 21 yaşadək futbolçulardan ibarət Azərbaycan millisinin uğurları üçün də çalışıb.  

Xatırladaq ki, “Araz-Naxçıvan” bu yay Urfan Abbasov ("Qəbələ"), Ülvi İsgəndərov ("Qəbələ"), Ömər Buludov ("Neftçi") və Tərlan Əhmədlini ("Turan Tovuz") də heyətinə cəlb edib.