Konqo millisinin futbolçusu rəsmən "Qəbələ"də

Yeni mövsümdə I Liqada çıxış edəcək "Qəbələ” heyətinə daha bir futbolçu qatıb.

Presssport.az klubun mətbuat xidmətinə istinadən xəbər verir ki, bölgə təmsilçisi Konqo milli komandasının yarımmüdafiəçisi Domi Jaures Massoumonu transfer edib.

Onunla 2 illik müqavilə imzalanıb.

21 yaşlı futbolçu bunadək vətənində “Otoho d'Oyo” və “Diables Noirs”da forma geyinib. O, klub karyerasında 2 dəfə ölkə çempionu olub, 1 dəfə gümüş mükafat qazanıb. 2023-cü ildən millisinə çağırılan Domi 3 oyun keçirib.