Henn Qəbələdə qazandıqları 1 xalı 3 xala bərabər sayır: "Çox bəxtəvərsiz ki, belə stadinunuz var"

Estoniya millisinin baş məşqçisi Yurgen Henn UEFA Millətlər Liqasının V turunun Azərbaycanla (0:0) səfər matçından sonra mətbuat konfransında iştirak edib.

Presssport.az xəbər verir ki, rəqib komandanın çalışdırıcısı jurnalistlərin suallarını cavablandırıb. 

- İki oyunu nəzərə alsaq, Estoniya millisi Azərbaycanı nədə üstələdi?

- Hansı bucaqdan baxılmasından asılıdır. Nəticə baxımından xeyrimizə oldu. Epizodları dəyərləndirsək, bərabər oyun getdiyini deyə bilərik. Bu gün ikinci hissə bizim üçün çətin oldu.

- Qarşınıza qoyulan hədəflər nədir?

- Milli komandanın irləlilyişini təmin etmək. Üzərində işlənəli olduğumuz çox şey var.

- Bugünkü 1 xalı 3 xala bərabər hesab edirsiz?

- Turnir cədvəlinə baxsaq, elə demək olar. Futbolda ən önəmli şey nəticədir. Oyundan əvvəl daha əlverişli vəziyyətdə idik.

- Qəbələ şəhəri və stadion barədə fikirləriniz necədir?

- Stadionu çox bəyəndim. Çox bəxtəvərsiz ki, belə stadinunuz var. Estoniyada belə şəraiti olan komandalar azdır. Bizi burada çox yaxşı qarşıladılar. Hər şey üçün təşəkkür edirik.