U-17 yığmamızdan ardıcıl 2-ci böyükhesablı məğlubiyyət

Azərbaycanın 17 yaşadək futbolçulardan ibarət millisi (U-17) Avropa çempionatının seçmə mərhələsində 2-ci oyununu keçirib.

Presssport.az xəbər verir ki, VI qrupda yer alan İlham Yadullayevin komandası Yunanıstan yığması ilə üz-üzə gəlib.

Rumıniyanın “Tunari” stadionunda təşkil olunan qarşılaşma rəqibin 3:0 hesablı qələbəsi ilə bitib.

Xatırladaq ki, U-17 yığmamız oyunda Macarıstana 0:4 hesabı ilə məğlub olub. Təmsilçimiz qrupda son matçını noyabrın 19-da Rumıniya yığmasına qarşı keçirəcək.