"Neftçi"nin sabiq futbolçusu dünyasını dəyişib

Tanınmış futbolçu və məşqçi Tofiq Abbasov dünyasını dəyişib.

Presssport.az xəbər verir ki, bu barədə məlumat sosial şəbəkələrdə yayılıb.

Keçmiş yarımmüdafiəçi 75 yaşında vəfat edib.

Abbasov futbolçu karyerası ərzində "Polad" və “Neftçi”nin şərəfini qoruyub. Eyni zamanda, "Termist", "Xəzər" və "Göyəzən" klublarının baş məşqçisi kimi də fəaliyyət göstərib.

Abbasov son olaraq Rusiyanın "Dinamo" klubunun qadınlardan ibarət basketbol komandasının idman direktoru vəzifəsində çalışıb.