Bu gün Azərbaycanda matəm günüdü

Bu gün - dekabrın 26-sı Azərbaycanda matəm günüdü.

Presssport.az xəbər verir ki, dekabrın 25-də Bakı–Qroznı reysini yerinə yetirən “Embraer 190” tipli sərnişin təyyarəsinin Aktau şəhəri yaxınlığında qəzaya uğraması ilə əlaqədar Prezident İlham Əliyev dekabrın 26-sının Azərbaycanda matəm gününün elan olunması barədə Sərəncam imzalayıb.

Xatırladaq ki, Azərbaycan Hava Yollarına məxsus, 5-i ekipaj üzvü olmaqla 67 nəfərin yer aldığı təyyarənin qəzaya uğraması nəticəsində çox sayda insan həyatını itirib və ya xəsarət alıb. Sağ qalanların sayının 36 nəfər olduğu bildirilir.