“Fənərbaxça” Türkiyə Kubokundan imtina etdi - RƏSMİ

“Fənərbaxça" 2024/25 mövsümü Türkiyə Kubokunda iştirak etməyəcək. 

Pressssport.az xəbər verir ki, bu barədə Türkiyə Futbol Federasiyasının (TFF) mətbuat xidməti məlumat yayıb. 

Qurumun yaydığı açıqlamada bildirilir ki, İstanbul təmsilçisi bununla bağlı rəsmi məktub göndərib. 

"Fənərbaxça"nın 29 noyabr tarixində göndərdiyi məktubda klubun 2024/25 mövsümündə turnirdə iştirak etməkdən imtina etdiyi qeyd olunub. Amma TFF imtinanın səbəbləri barədə açıqlama verməyib.

Türkiyə mətbuatının daha əvvəl yazdığına görə isə “Fənərbaxça”, eləcə də Super Liqanın digər təmsilçisi “Kasımpaşa” ölkə kubokunda iştirakın onların maliyyə öhdəliyinə cavab verməməsi səbəbindən yarışdan imtina edib.