Türkiyədə "Azərbaycan derbisi"ndə qalib müəyyənləşmədi

Bu gün Türkiyə I Liqasında azərbaycanlı futbolçular Ramil Şeydayev və Vüsal İsgəndərlinin çıxış etdiyi komandalar üz-üzə gəlib.

Presssport.az xəbər ki,
Vüsalın oynadığı "Boluspor" öz meydanında Ramilin komandası "Kocaelispor"la qarşılaşıb.

Oyun 1:1 hesabı ilə başa çatıb.

Start heyətdə yer alan İsgəndərli 62-ci dəqiqədə əvəzlənib. Şeydayev isə ilk 80 dəqiqədə meydanda olub.

Bu nəticədən sonra "Kocaelispor" 43 xalla 3-cü, "Boluspor" isə 33 xalla 8-ci pillədə qərarlaşıb.