Zülfüqarov "Fənərbaxça"nın matçında hakimlik edəcək

Azərbaycanın beynəlxalq dərəcəli voleybol hakimi Eldar Zülfüqarov bu gün kişilər arasında Çempionlar Liqasının oyununu idarə edəcək.

Presssport.az Azərbaycan Voleybol Federasiyasının (AVF) mətbuat xidmətinə istinadən xəbər verir ki, Türkiyədə yerli "Fənərbaxça" və İtaliyanın "Montsa" klubları arasında keçiriləcək matçda ikinci hakim funksiyasını yerinə yetirəcək. 

Görüş Bakı vaxtı ilə saat 20:00-da start götürəcək.

AVF-nin Kommunikasiya şöbəsinin koordinatoru Nərgiz İsmayılova da bu gün kişilər arasında Çempionlar Liqasının oyununda iş başında olacaq. O, “Levski” (Bolqarıstan) - “Lüneburq” (Almaniya) duelində hakimlərin işinə qiymət verəcək. Həmin qarşılaşma saat 22:00-da başlayacaq.