DÇ-2026: Millimizin rəqibləri bəlli oldu

Bu gün Azərbaycan millisinin DÇ-2026-nın seçmə mərhələsindəki rəqibləri bəlli olub.

Presssport.az xəbər verir ki, İsveçrənin Sürix şəhərində keçirilən tədbirdə millimizin hansı qrupda yer aldığı açıqlanıb.

Püşkatmadan əvvəl 4-cü səbətdə olan yığmamız rəqiblərini tanıyıb. Belə ki, püşkatmanın nəticələrinə görə millimiz D qrupunda yer alaraq, rəqibləri Fransa-Xorvatiya cütünün qalibi, Ukrayna və İslandiyadı.

Bu yerdə bildirək ki, qrupların yekun tərkibi yalnız UEFA Millətlər Liqasının A Divizionunun martın 20-si və 23-də keçirilməsi nəzərdə tutulan 1/4 final mərhələsi başa çatdıqdan sonra müəyyənləşəcək. Belə ki, həmin turnirdə yarımfinala yüksələn millilər 4 komandadan ibarət qruplarda yer alacaq. İyunda isə həmin yığmalar UEFA Millətlər Liqasının final mərhələsində çıxış edəcək və yalnız 2025-ci ilin sentyabrında dünya çempionatının oyunlarına başlayacaq.

Xatırladaq ki, DÇ-2026-nın seçmə mərhələnin oyunlarına 2025-ci ilin martında start veriləcək.