Fərid Qayıbov: "Turnirin populyarlığı daha da artır"

“Minifutbol turniri artıq 3-cü dəfədir keçirilir. Turnirin populyarlığı daha da artır, dövlət qurumları böyük məmnuniyyətlə yarışa qatılır”.

Presssport.az xəbər verir ki, bu sözləri gənclər və idman naziri Fərid Qayıbov Ulu öndər Heydər Əliyevin xatirəsinə həsr olunmuş dövlət qurumları arasında III minifutbol turnirinin açılış mərasimindən sonra jurnalistlərə açıqlamasında deyib.

Dövlət qurumları arasında yarışların digər idman növlərində də keçirildiyini diqqətə çatdıran nazir bu cür tədbirlərin təşkilinin sağlam həyat üçün faydalı olduğunu vurğulayıb: “Tennis Akademiyasının stadionuna hər zaman çox sayda azarkeşin gəldiyinin şahidi oluruq. Onu da qeyd edim ki, turnirin qalibləri ölkəmizi beynəlxalq yarışlarda da təmsil edir. Hətta keçən il onlardan biri beynəlxalq yarışın qalibi də olub”.