Berezutski lider üzərində qələbəni şərh edib, Murad Musayevlə görüşündən və qış planlarından danışıb: "Daha böyük işlərimiz qarşıdadı"

"Sabah" Misli Premyer Liqasının 17-ci turunda səfərdə lider "Araz-Naxçıvan"ı 1:0 hesabı ilə məğlub edib.

Presssport.az xəbər verir ki, Masazır təmsilçisinin baş məşqçisi Vasili Berezutski matçdan sonra keçirilən mətbuat konfransında jurnalistlərin suallarını cavablandıraraq öncə görüşlə bağlı danışıb.

- Nəticə daha çox heç-heçəyə oxşayırdı. Künc zərbəsindən qol vurduq. Bu, ruh yüksəkliyi üçün çox vacib qələbə idi.

- "Sabah"a gəldikdən sonra nəyi dəyişmisiniz ki, qələbələri sıralayırsınız?

- Hələ ki işə yanaşmanı dəyişmişik. Məşqlərdə intensivliyi artırmışıq. Daha böyük işlərimiz qarşıdadı.

- Murad Musayev "Sabah"ı ziyarət etdi. Maraqlıdır, daha çox "Sabah"ı, yoxsa Rusiya futbolunu müzakirə etdiniz?

- Daha çox "Sabah"ı və "Krasnodar"ı müzakirə etdik. Məşq proseslərindən, Azərbaycanda və Rusiyada futbolçuların işə yanaşmasından danışdıq.

- Qış hazırlıq planı necədir?

- Azərbaycanda qalacağıq. Yanvarın 4-də toplaşacağıq. Niderlandda işləmişəm, orda da hazırlıq dönəmi qısa vaxt olurdu. İki həftə hazırlaşacağıq.