"Qarabağ" fərqli komandadı, cavab görüşünə yaxşı nəticə ilə çıxmaq istəyirik" - "Braqa"nın kapitanı

“Hər oyunun öz hekayəsi var. “Sportinq”ə məğlubiyyət bizi məyus etdi. Artıq bütün diqqətimizi Avropa Liqasına yönəltməliyik”.

Presssport.az xəbər verir ki, bunu “Braqa”nın kapitanı Rikardo Orta yerli mətbuata açıqlamasında deyib.

Portuqaliya millisinin üzvü olan 30 yaşlı hücumçu ölkə çempiontının XXI turunda “Sportinq”ə 0:5 hesabıyla uduzduqları matçı

unutmalı olduqlarını vurğulayıb: "Çünki “Qarabağ”la vacib matçımız olacaq, buna köklənmişik. Səhv etdiyimiz məqamları düzəldəcəyik. “Qarabağ” fərqli komandadı. Rəqibi təhlil edəcəyik. Cavab görüşünə yaxşı nəticə ilə çıxmaq istəyirik”.

Qeyd edək ki, fevralın 15-də keçiriləcək “Braqa” – “Qarabağ” oyunu Bakı vaxtı ilə saat 00:00-da başlayacaq. Bakıdakı cavab görüşü fevralın 22-də keçiriləcək.