Azərbaycan - Yunanıstan görüşünün hakimləri açıqlanıb

Azərbaycan futzal millisinin AVRO-2026-nın əsas mərhələsinin Bakıda Yunanıstana qarşı keçirəcəyi oyunu üçün hakim təyinatlar bəlli olub.

Presssport.az xəbər verir ki, qarşılaşmaya Norveç və Almaniyadan olan ədalət təmsilçiləri təyinat alıb.

Hakimlər Telmen Undrax (Norveç), Yakob Pavlovski (Almaniya), Daq Erik Tanqvik (Norveç) olacaq. Hakim-inspektor vəzifəsini Sreten Vasiç (Serbiya) yerinə yetirəcək. UEFA nümayəndəsi isə Vladimir Kolbasyuk (Moldova) olacaq.

Azərbaycan - Yunanıstan görüşü fevralın 4-də, saat 20:00-da başlayacaq.