"Məşqlərimiz intensiv və şən keçir, lakin liqada bunun əksi də ola bilər" - Abasov

“Neftçi”nin baş məşqçisi Samir Abasov Qəbələdə başa çatan qış təlim-məşq toplanışını dəyərləndirib.

Presssport.az xəbər verir ki, 47 yaşlı mütəxəssis çox möhtəşəm məşqlər keçdiklərini, futbolçularının istəkli olduğunu vurğulayıb: "Daxili ab-havadan danışarkən qeyd edim ki, məşqlərdə ki rahatlıq tamam başqa bir şeydir, çempionat, çempionatın stresi tamam başqa bir şey. Məşqlərdə olan rahatlığı çempionata bağlamaq olmaz. Məşqlərimiz intensiv və şən keçir, lakin liqada bunun əksi də ola bilər. Ən azından ilk matçlarda".

Xatırladaq ki, qış fasiləsində yoxlama matçı keçirməyən yeganə komanda olan “Neftçi" Misli Premyer Liqasında III dövrənin startında yanvarın 19-da ”Sabah"ı qəbul edəcək.