"Qarabağ"ın ÇL-də yolunu kəsən baş məşqçi Türkiyə Super Liqasında

Zaqreb “Dinamo”sunun sabiq baş məşqçisi Sergey Yakiroviç Türkiyə Super Liqasında çalışacaq. 

Presssport.az xəbər verir ki, 48 yaşlı xorvatiyalı mütəxəssis Super Liqa təmsilçisi "Kayserispor"la anlaşıb. 
 Məlumatı klubun mətbuat xidməti yayıb. Yeni çalışdırıcı ilə 1.5 illik müddətə müqavilə bağlanıb.

Xatırladaq ki, Yakiroviç Çempionlar Liqasının (ÇL) Liqa mərhələsində “Bavariya"ya 2:9 hesablı məğlubiyyətdən sonra “Dinamo”dan qovulub. Xorvatiya nəhəngi onun rəhbərliyi altında almanlardan əvvəl ÇL-in pley-off mərhələsində "Qarabağ"la qarşılaşaraq hər 2 oyunda (3:0, 2:0) qələbə qazanıb.