"Zirə"də ciddi itki - əməliyyat olunacaq

"Zirə"nin heyətində ciddi itki baş verib.

Klubun mətbuat xidmətindən Presssport.az-a verilən məlumata görə, "qartallar"ın yarımmüdafiəçisi Yusuf Laval sıradan çıxıb.

Nigeriyalı futbolçu Premyer Liqanın 20-ci turunun "Şamaxı" ilə səfər matçında (2:1) zədələnib.

Lavalın zədəsi ciddidi. Belə ki, 26 yaşlı oyunçu əməliyyat olunacaq. O, təxminən 3-4 ay yaşıl meydanlardan kənar qalacaq.

Xatırladaq ki, Laval ötən ilin sentyabrından "Zirə"də çıxış edir. Cinah yarımmüdafiəçisi qəsəbə təmsilçisinin heyətində meydana çıxdığı 10 rəsmi matçda 1 qol vurub.