"Traktor"un oyununda 32 nəfər yaralandı - aralarında qadınlar, xəstəxanalıq olanlar var

İran çempionatının 17-ci turunda keçirilən "Persepolis" - "Traktor" matçında xoşagəlməz hadisələr yaşanıb.

Presssport.az xəbər verir ki, bu haqda İran mətbuatı məlumat yayıb.

Belə ki, förüş zamanı tribunalarda azarkeşlər arasında dava olub. Münaqişə nəticəsində 32 nəfər yaralanıb. Onlardan 3-ü qadın olduğu bildirilir. 

Daşla yaralandığı iddia edilən 3 kişi azarkeş isə xəstəxanaya aparılıb.

Onu da bildirək ki, "Persepolis" - "Traktor" oyununda meydan sahibləri 2:0 hesablı qələbə qazanıb. Onların baş məşqçisi yenicə bu posta təyin olunan türkiyəli mütəxəssis İsmail Kartaldı.