Ronaldo həm 1000-ə çatdı, həm də Messiyə

Dünya şöhrətli portuqaliyalı futbolçu Kriştiano Ronaldo klub karyerasında 1000-ci oyuna çıxıb.

Presssport.az xəbər verir ki, "Əl-Nəsr"də çıxış edən 39 yaşlı hücumçunun yubileyi Asiya Çempionlar Liqasının "Əl-Fayha" ilə ilk 1/8 final oyununa təsadüf edib.
Kriştiano matçda yeganə qola imza ataraq komandasına 1:0 hesablı qələbə qazandırıb. 

Ronaldo eyni zamanda digər əfsanəvi futbolçu - “İnter Mayami”nin argentinalı forvardı Lionel Messi ilə penalti istisna olmaqla qolların sayında bərabərləşib. Belə ki, hər ikisi indiyədək penalti istisna olmaqla 713 dəfə topu qapıdan keçirə bilib. Messi hər 121, Ronaldo isə hər 138 dəqiqədən bir qeyri-penalti qolu vurub.