I Liqada baş məşqçinin "A buraxılışı" olmadı, cərimə kəsildi

Bu gün AFFA İntizam Komitəsi keçirilib.

Presssport.az xəbər verir ki, qurum üzvləri I Liqa və və Əvəzedicilər liqasında da baş verən xoşagəlməz olaylara hüquqi qiymət verib.

I Liqa XIV tur

15.02.2024-cü il tarixində I Liqada XIV turun “Araz Saatlı” – “Zaqatala” oyununda “Araz Saatlı” klubunun 6 futbolçusu sarı vərəqə aldığına görə “Araz Saatlı” klubu 70 manat cərimə edilir (maddə 37);

15.02.2024-cü il tarixində I Liqada XIV turun “Araz Saatlı” – “Zaqatala” oyununda “Araz Saatlı” klubunun baş məşqçisi Rüfət Quliyevin “A buraxılışı” vəsiqəsi olmadığına görə “Araz Saatlı” klubu 50 manat cərimə edilir (maddə 51.8);

 

Əvəzedicilər liqası XXII tur

13.02.2024-cü il tarixində Əvəzedicilər liqasında XXII turun “Kəpəz-2” – “Səbail-2” oyununda “Səbail-2” komandasının 4 futbolçusu sarı vərəqə aldığına görə “Səbail-2” komandası 70 manat cərimə edilir (maddə 37);

13.02.2024-cü il tarixində Əvəzedicilər liqasında XXII turun “Araz-Naxçıvan-2” – “Neftçi-2” oyununda “Araz-Naxçıvan-2” komandasının 4 futbolçusu sarı vərəqə aldığına görə “Araz-Naxçıvan-2” komandası 70 manat cərimə edilir (maddə 37);

15.02.2024-cü il tarixində Əvəzedicilər liqasında XXII turun “Zirə-2” – “Sumqayıt-2” oyununun 90+3-cü dəqiqəsində “Zirə-2” komandasının 87 nömrəli futbolçusu İlqar Əhmədov ikinci sarıdan qırmızı vərəqə aldığına görə 1 oyun cəzalanır, “Zirə-2” komandası 50 manat cərimə edilir (maddə 36.5).