Mbappe "Real"da - PSJ ona əvəzləyici tapıb

PSJ-nin hücumçusu Kilian Mbappe növbəti mövsümdən "Real"ın formasını geyinəcək.
Presssport.az xəbər verir ki, bu barədə "Marca"da çalışan jurnalist Ramon Alvares de Mun "X" hesabında məlumat yayaraq, artıq məsələnin rəsmiləşdiyi söyləyib: "İş bitib, Mbappe "Real"la müqavilə imzalayıb".
Mbappe 2018-ci ildən PSJ-də çıxış edirdi. Onun müqaviləsi mövsümün sonunda başa çatır.
25 yaşlı hücumçu Paris klubunda 290 oyunda 243 qol vurub, 105 məhsuldar ötürmə edib.

Paris klubu Kiliana əvəzləyici tapıb. Belə ki, Fransa çempionu "Liverpul"dan Məhəmməd Salahı transfer etməyə çalışacaq. 
31 yaşlı misirli hücumçunun "qırmızılar"la müqaviləsi 2025-ci ilin yayına kimidi. Salah bu mövsüm Premyer Liqada 20 oyunda 14 qol vurub, 8 məhsuldar ötürmə edib.
İnsayder Fabrizio Romano da Mbappenin qərarını verdiyini və mövsümün sonunda PSJ-dən ayrılacağını yazıb.