Türkiyədə "Azərbaycan derbisi"ndə İsgəndərli sevindi

Türkiyə I Liqasında 23-cü turun oyunları davam edir.

Presssport.az xəbər verir ki, millimizin üzvü Bəxtiyar Həsənalızadənin şərəfini qoruduğu “Tuzlaspor” digər futbolçumuz Vüsal İsgəndərlinin formasını geyindiyi "Boluspor"u qəbul edib. Qarşılaşma qonaqların 2:1 hesablı qələbəsi ilə başa çatıb.

Bəxtiyarın adı görüşün iştirak ərizəsinə daxil edilməyib. Vüsal isə 85-ci dəqiqədə meydana daxil olub. 28 yaşlı yarımmüdafiəçi 90+2-ci dəqiqədə sarı vərəqə ilə cəzalandırılıb.

Xallarını 36-ya yüksəldən "Boluspor" turnir cədvəlinin 6-cı pilləsində qərarlaşıb. 22 xalı olan "Tuzlaspor" isə 15-ci yerdədir.