ÇL-in qrupunda ilk qolumuzun müəllifi A Seriyasında klubunu dəyişdi

"Qarabağ"ın braziliyalı sabiq futbolçusu Pedro Enrikenin yeni klubunun adına aydınlıq gəlib.

Presssport.az xəbər verir ki, Braziliya “İnternasyonal”ından ayrılan 33 yaşlı yarımmüdafiəçi karyerasını ölkəsinin digər klubu "Korintians"da davam etdirəcək.

Braziliya A seriyası təmsilçisi Pedro ilə 2025-ci ilin sonunadək müqavilə imzalayıb.

Xatırladaq ki, Enrike karyerası ərzində “Sürix”, “Renn”, PAOK, “Astana”, “Kayserispor”, “Sivasspor”da forma geyinib. O, 2017/18 mövsümündə "Qarabağ"da icarə əsasında oynayıb. Futbolçu Ağdam təmsilçisinin heyətində Çempionlar Liqasının (ÇL) qrup mərhələsində çıxış edərək Azərbaycanın burda ilk qoluna imza atıb.