Mahir Emrelinin komandası 1/8 finalda

Bu gün Konfrans Liqasında pley-off mərhələsinə yekun vurulub.

Presssport.az xəbər verir ki, 2-ci oyun günündə 7 cavab matçı keçirilərək, son 1/8 finalçılar müəyyənləşib.

Millimizin futbolçusu Mahir Emrelinin formasını geyindiyi "Dinamo" (Zaqreb) ilk oyunda 1:0 hesabı ilə məğlub etdiyi "Betis"lə bu dəfə evdə qarşılaşıb və 1:1 hesablı bərabərlik qeydə alınıb. Bununla da Xorvatiya çempionu 1/8 finala adlayıb. Zədəsini yeni sağaldan Mahir ispanlarla cavab görüşündə də iştirak etməyib.

Ümumilikdə pley-off görüşlərindən sonra "Ayaks" (Niderland), "Dinamo" (Zaqreb, Xorvatiya), "Servett" (İsveçrə), "Yunion" (Belçika), "Olimpiakos" (Yunanıstan),  "Molde" (Norveç), "Şturm Qraz" (Avstriya)  və "Makkabi" (Hayfa, İsrail) komandaları 1/8 finala vəsiqə qazanıblar. 

Konfrans Liqası, pley-off, cavab oyunları

22 fevral

21:45. "Budo Qlimt" (Norveç) - "Ayaks" (Niderland) - 1:2

Qollar: Berq, 83 - Berquis, 34, Teylor, 114

İlk oyun - 2:2.

21:45. "Dinamo" (Zaqreb, Xorvatiya) - "Betis" (İspaniya) - 1:1

Qollar: Kaneko, 59 - Bakambu, 38

İlk oyun - 1:0.

21:45. "Ludoqorets" (Bolqarıstan) - "Servett" (İsveçrə) - 0:1

Qol: Konat, 6

İlk oyun - 0:0.

00:00. "Ayntraxt" (Almaniya) - "Yunion" (Belçika) - 1:2

Qollar: Ebimbe, 87 - Kastro, 47, Ayensa, 80

İlk oyun - 2:2.

00:00. "Ferentsvaroş" (Macarıstan) - "Olimpiakos" (Yunanıstan) - 0:1

Qol: Əl-Kaabi, 45-pen.

İlk oyun - 0:1.

00:00. "Legiya" (Varşava, Polşa) - "Molde" (Norveç) - 0:3

Qollar: Qulbrandsen, 2, 67, Heştad, 20

İlk oyun - 2:3.

00:00. "Slovan" (Bratislava, Slovakiya) - "Şturm Qraz" (Avstriya) - 0:1

Qol: Byeret, 52

İlk oyun - 1:4.

21 fevral

"Gent" (Belçika) – "Makkabi" (Hayfa, İsrail) - 1:1
İlk oyun – 0:1.