"Qarabağ" 1/8 finala yüksəldiyi üçün nə qədər qazandı?

Avropa Liqasının pley-off mərhələsində Portuqaliyanın "Braqa" klubunu mübarizədən kənarlaşdıran "Qarabağ"ın qazandığı mükafatın məbləği bəlli olub.

Presssport.az xəbər verir ki, Azərbaycan çempionu 1/8 finala yüksəlməsinə görə Avropa futbol qurumundan 1,2 milyon avro alacaq.

Xatırladaq ki, "köhlən atlar" Portuqaliyada rəqibini 4:2 hesabı ilə məğlub etmişdi. Bakıdakı cavab qarşılaşmasında mübarizə əlavə vaxtadək uzanıb və yekunda Ağdam klubu ümumi hesabda (6:5) Portuqaliya təmsilçisini üstələyərək mərhələ adlayıb.