Rəşad Sadıqov: "Azərbaycan futbol tarixinin yeni zirvəsi fəth olundu"

"Zirə"nin baş məşqçisi Rəşad Sadıqov futbolçu karyerasının ən yaxşı illərini keçirdiyi "Qarabağ"ın Avropa Liqasının 1/8 final mərhələsinə yüksəlməsinə münasibət bildirib.

Presssport.az xəbər verir ki, Sadıqov sabiq kapitanı olduğu "köhlən atlar"ın "Braqa"nı (6:5) məğlub edərək 1/8 finala yüksəldiyi oyundan sonra “İnstagram” səhifəsində komandanın baş məşqçisi Qurban Qurbanov ilə şəklini paylaşıb. 

Sadıqov paylaşımında bunnları yazıb: "Bu gün meydanda baş verənləri, yaşadığım hissləri sözlə ifadə edə bilmirəm. Azərbaycan futbol tarixinin yeni zirvəsi fəth olundu. Təşəkkürlər, "Qarabağ"! Təşəkkürlər, Qurban Qurbanov!".