Lunyov "Bayer"i kecəcəklərinə inanır: "Hələ də uduzmayıblar, əlavə stimul var"

“Qarabağ”ın qapıçısı Andrey Lunyov Avropa Liqasının 1/8 final mərhələsinin püşkatma mərasimindən sonra "Bayer”lə qarşılaşma ilə bağlı fikirlərini bildirib. Presssport.az xəbər verir ki, Rusiya mətbuatına müsahibə verən rusiyalı qolkiper sabiq klubuyla duelöncəsi fikirlərini bölüşüb.

- Keçmiş komandanıza qarşı ilk dəfə deyil ki, oynayacaqsınız. Bu qarşılaşma sənin üçün xüsusi hisslər doğuracaq, ya yox?

- Əlbəttə, olacaq. “Bayer”lə oynamağımız çox gözəldir. “Bayer” çox yaxşı komandadır, xüsusən də indi. Amma qələbə qazanaraq mərhələ adlamağa çalışacağıq.  

- "Bayer” “Qarabağ”a qrup mərhələsindən tanışdı. Bunu üstünlük hesab edirsən?

- Bir tərəfdən, bəli, komanda ilə tanışıq. Amma digər tərəfdən, zədə səbəbindən rotasiya baxımından dəyişiklik ediblər. Hələ də uduzmayıblar, əlavə stimul var. Hər halda, bizim üçün bunu axtarmağa ehtiyac yoxdur (gülür). “Bayer”dir, meydana çıxıb sadəcə, onlara qarşı mübarizə aparmaq lazımdır.

- Bu komandanı 1/8 finalda qarşılaşa biləcəyiniz bütün mümkün rəqiblərdən ən çətini adlandırmaq olar?

- Bəli, mütləq belədir. Düşünürəm ki, “Bayer” turnirin favoritlərindən biridir. “Slaviya” çıxsaydı, daha asan olardı. Amma düşünürəm ki, indiki mərhələdə artıq zəif rəqib yoxdur.