Güləş millimiz Vladiqafqazda təlim-məşq toplanışına başlayıb

Azərbaycanın yunan-Roma güləşi millisi növbəti təlim-məşq toplanışına başlayıb.

Presssport.az Güləş Federasiyasının mətbuat xidmətinə istinadən xəbər verir ki, yığma Rusiyanın Vladiqafqaz şəhərində hazırlıq prosesinə start verib.

Martın 6-dək davam edəcək toplanışa baş məşqçi Aleksandr Tarakanov, böyük məşqçi Rövşən Bayramov və məşqçi Həsən Əliyevin rəhbərliyi altında Rəşad Məmmədov (55 kq), Nihat Məmmədli (60 kq), Həsrət Cəfərov (67 kq), Sənan Süleymanov, Xasay Həsənli (hər ikisi 77 kq), Rafiq Hüseynov (82 kq), Murad Əhmədiyev, Murat Lokyayev, Arif Niftullayev (hamısı 97 kq), Beka Kandelaki və Sabah Şəriəti (hər ikisi 130 kq) qatılıblar.

Zədəsini bərpa etdirən digər yığma üzvləri məşqçilər Kamran Məmmədov və Elvin Mürsəliyevin nəzarəti altında Azərbaycan Güləş Federasiyasının təlim-məşq bazasında hazırlıq keçirlər.