"Araz-Naxçıvan" ın futbolçusu "100"ə çatdı

“Araz-Naxçıvan”ın futbolçusu Turan Manafov Premyer Liqada 100-cü oyununu keçirib.

Presssport.az xəbər verir ki, 26 yaşlı sol cinah müdafiəçisinin yubiley matçı Misli Premyer Liqasının XXIV turuna təsadüf edib.

Turan “Zirə” ilə ev görüşündə (0:3) “100”ə çatıb. Debütü 2018/19 mövsümünə təsadüf edən Manafovun ilk klubu “Sumqayıt” olub.

Turan “gənclik şəhəri” təmsilçisində 1, “Səbail”də 75 (3 qol), “Araz-Naxçıvan”da 24 (3 qol) oyun keçirib.