Adı millimizlə hallanan Berdıyevlə bağlı klubundan açıqlama: "Bunlar məni narahat etmir"

Rusiyanın “Dinamo” (Mahaçqala) klubunun baş direktoru Şamil Qazizov baş məşqçisi Qurban Berdıyevin Azərbaycan millisini çalışdıracağı haqda yayılan xəbərlərə münasibət bildirib. Presssport.az xəbər verir ki, klub rəsmisi “Sport -Ekspress”ə müsahibəsində bununla bağlı suala qısa cavab verib: “Berdıyev Mahaçqala “Dinamo”sunun məşqçisidi. Nöqtə". Qazizov “Berdıyevin mövsümü “Dinamo”da başa vuracağına inamınız varmı” sualına isə cavabında deyib ki, mətbuatda türkmənistanlı çalışdırıcıları haqqında gedən söz-söhbətlər onu narahat etmir”. Onu da bildirək ki, Berdıyev 2023-cü ilin iyulundan çalışdırdığı "Dinamo" 20 turdan sonra 37 xalla I Liqada liderdi.