"Bayer" Bakıya qələbəylə gəlir

“Qarabağ”ın Avropa Liqasının 1/8 final mərhələsində rəqibi olan “Bayer” Almaniya Bundesliqasında XXIV turun matçını keçirib.

Presssport.az xəbər verir ki, Xabi Alonsonun komandası “Köln”ün qonağı olub.

Leverkuzen təmsilçisi səfərdən inamlı qələbəylə dönüb - 2:0. Qolların müəllifləri Ceremi Frimponq (37-ci dəqiqə) və Alexandro Qrimaldo (73-cü dəqiqə) olub. Onu da bildirək ki, meydan sahibləri 14-cü dəqiqədə futbolçusu qırmızı vərəqə aldığından matçın böyük hissəsini azlıqda oynamalı olub. 

Xatırladaq ki, “Qarabağ” "Bayer"lə ilk matçını martın 7-də Bakıda keçirəcək.