Tarixdə 200-cü, derbidə 40-ci

“Neftçi” Azərbaycan çempionatlarında 200-cü dəfə məğlub olub. 

Presssport.az xəbər verir ki, bu, Misli Premyer Liqasının XXV turuna təsadüf edib.

Bakı klubu “Qarabağ”la görüşdə 1:4 hesabı ilə uduzub. “Ağ-qaralar”ın xal qazanmadığı 200-cü matç ölkə çempionatlarındakı 914-cü qarşılaşmaya təsadüf edib.

“Neftçi”nin ən çox uduzduğu komanda “Qarabağ”dı. Ağdam təmsilçisi Azərbaycan derbilərində 40-cı dəfə “ağ-qaralar”ı xalsız qoyub.