Xabo Alonso tipik "Qarabağ" performansı görüb: "Qurban Qurbanov yaxşı məşqçidi, aramızda gizlədiləsi heç nə yoxdu"

“Bayer”in baş məşqçisi Xabi Alonso Avropa Liqasının 1/8 final mərhələsi çərçivəsində sabah Bakıda "Qarabağ"la matçöncəsi mətbuat konfransı keçirib.

Presssport.az xəbər verir ki, Leverkuzendə jurnalistlər qarşısına çıxan ispaniyalı mütəxəssis rəqib və azərbaycanlı həmkarı Qurban Qurbanov haqda xoş sözlər deyib: "Artıq qrup yox, 1/8 final mərhələsidi. Yaxşı nəticə qazanmaq üçün ağıllı oynamalıyıq. Biz onları tanıyırıq, onlar da bizi. Avropa Liqası çox gözəl turnirdi. Şansımız varsa, mübarizə aparmaq istəyirik. Sonra yenidən Bundesliqa oyunları gəlir. Sıx qrafikə hazırıq. "Qarabağ"ın pley-off mərhələsində "Braqa" ilə keçirdiyi hər iki oyununu təhlil etmişik. Tipik “Qarabağ” performansı gördük. Təhlükəli çıxış etdilər və uğur qazandılar. 10 nəfərlə mübarizə aparsalar da, sona qədər əzmkarlıq göstərdilər. Qurban Qurbanovla yaxşı söhbətimiz oldu, aramızda gizlədiləsi heç nə yoxdu. O, yaxşı məşqçidi".