"Moskva ulduzları"nda hər 3 dəst medal qazandıq

Rusiyanın paytaxtı Moskvada "Moskva ulduzları" uşu üzrə beynəlxalq turnirdə kadetlər arasında Azad Hümbətov (45 kq) qızıl, Hüseyn Məmmədov (42 kq) gümüş, Hümbət Mustafayev (48 kq) bürünc medal qazanıblar. 

Presssport.az xəbər verir ki, yeniyetmələr arasında Xəyal İbrahimov (45 kq) və Süleyman Kazımlı (48 kq) bürünc medal, gənclərdə isə Yusif Azadi (52 kq) qızıl medala sahib olublar. Qızlar arasında Mirrüqəyya Azərpur (52 kq) və Mirfatimə Azərpur (65 kq) gümüş medal əldə ediblər. 

Böyüklər arasında altıqat Avropa çempionu Elçin Eminov (60 kq) bütün rəqiblərinə qalib gələrək turnirin qalibi olub.