"Qarabağ"ın Leverkuzendəki matçı məşhur hakimə tapşırıldı

Almaniyada “Bayer”lə "Qarabağ" arasında keçiriləcək Avropa Liqasının 1/8 final mərhələsinin cavab oyununun təyinatları açıqlanıb.

Presssport.az xəbər verir ki, qarşılaşma İngiltərədən olan hakimlər briqadasına tapşırılıb.

Belə ki, məşhur hakimlərdən olan FİFA referisi Entoni Teylora Qari Besuik və Adam Nann kömək göstərəcək. Dördüncü hakim funksiyasını Endryu Medli yerinə yetirəcək. VAR-da Stüart Attuell, AVAR-da Carred Qavan Cillett Avstriya) əyləşəcək.

Xatırladaq ki, Leverkuzendəki qarşılaşma martın 14-də Bakı vaxtı ilə saat 00:00-da başlayacaq. Bakıdakı ilk matç 2:2 hesabı ilə nəticələnib.