Tovuzdakı matçlarda söyüş söyənlər cəzalandırıldı

Premyer Liqanın XXVI turunda “Turan Tovuz”la oyunda hakimi təhqir edən “Araz-Naxçıvan”ın qapıçısı Vüsal Şabanov cəzalandırılıb.

Presssport.az xəbər verir ki, komandasının Tovuzda 0:2 hesabı ilə məğlub olduğu matçın 78-ci dəqiqəsində ehtiyatda qırmızı vərəqə alan gənc futbolçu AFFA İntizam Komitəsi tərəfindən 4 oyunluq diskvalifikasiyaya məruz qalıb.

Buna görə Araz-Naxçıvan”ın 3000 manat məbləğində cərimə kəsilib. Həmin görüşdə 4 futbolçusu sarı vərəqə alan naxçıvanlılar daha 700 manat cərimə olunub. “Turan Tovuz” isə 6 oyunçusunun sarı vərəqə alması üzündən 700 manat ziyana düşüb.

Tovuzda baş tutan “Kəpəz” – “Neftçi” qarşılaşmasında nomina meyda sahibləri azarkeşləri tərəfindən rəsmi şəxslərin ünvanına kütləvi şəkildə təhqiramiz ifadələr səsləndirildiyindən 1000 manat cərimə olunub.