Musa Qurbanlı İsveçdə klubunu dəyişir - 18 qat çempion ona göz qoyub

İsveçin "Yurqorden" klubunda çıxış edən millimizin futbolçusu Musa Qurbanlı klubunu dəyişə bilər.
Presssport.az xəbər verir ki, İsveçin ən tanınan, köklü klublarından olan "Höteborq" (18 dəfə İsveç çempionu, 13 dəfə İsveç kubokunun qalibi) 22 yaşlı hücumçumuzun xidmətində maraqlıdı. 

Bu barədə İsveç mətbuatı məlumat yayıb. Xəbərdə Musanın "Yurqorden"in planlarında yer almadığı və klubdan gedə biləcəyi qeyd olunub.

Xatırladaq ki, Qurbanlı keçən yay "Qarabağ"dan "Yurqorden"ə keçərək onun heyətində 19 oyunda 3 qol vurub, 1 məhsuldar ötürmə edib.