"Qarabağ"ı "Bayer"lə səfər matçında stadionda dəstəkləmək istəyən azarkeşlərin diqqətinə

Avropa Liqasının 1/8 final mərhələsinin cavab oyunu çərçivəsində bu gün “Bayer”in qonağı olacaq “Qarabağ” oyunda stadionda onu dəstəkləmək istəyən azarkeşlərə rəsmi müraciət edib.

Presssport.az klubun mətbuat xidmətinə istinadən xəbər verir ki, fanatların iticket.az-da aldıqları vauçeri biletə dəyişərək stadiona daxil olmasının mümkünlüyü qeyd olunub.

Bunun üçün 3 saat öncədən “BayArena”da SG1, SG2 və SG3 sektorlarının qarşısında (Service Gast) olmağınız xahiş olunur.

Bilet aldığınız zaman istifadə etdiyiniz vəsiqə ilə vauçeri biletə dəyişmək mümkündür.

Onu da bildirək ki, stadion ərazisində bilet satışı olmayacaq.