İki aya yaxındə zədəli olan Abdulla Rzayev sağalıb

Premyer Liqanın 27-ci turuda "Qəbələ" ilə qarşılaşacaq “Araz-Naxçıvan” bu gün "Liv Bona Dea Arena"nın ehtiyat meydanında oyunöncəsi son məşqini keçirib.

Presssport.az xəbər verir ki, "qırmızı-ağlar"ın 1 saata yaxın davam edən hazırlıq prosesində bir müddətdir zədədən əziyyət çəkən Abdulla Rzayev və Aksel Nqando da iştirak edib. Bu yerdə bildirək ki, Abdulla yalnız qış fasiləsindən sonra ilk turda oynayaraq 2 aya yaxındı yaşıl meydandan kənarda qalıb.

Cəzası başa çatan Məhəmməd Kadiri və Miço Kuzmanoviç də bugünkü görüşdə baş məşqçi Azər Bağırovun şans verəcəyi təqdirdə meydana çıxa biləcək.