"Turan Tovuz" üçün Veysəl Rzayev şoku

"Turan Tovuz"un futbolçusu Veysəl Rzayev uzun müddətə sıradan çıxıb.

Bu haqda Presssport.az-a məlumat verən komandanın baş məşqçisi Ayxan Abbasov U-21 yığmamızın üzvü olan mərkəz yarımmüdafiəçisinin yıxılaraq burnunun sındığını deyib.

Nəticədə 21 yaşlılarımızın İngiltərə və Ukrayna ilə Bakıdakə rəsmi matçlarından kənarda qalacaq Veysəl 2 aya yaxın oynaya bilməyəcək. Bu isə o deməkdi ki, Rzayev mayda - mövsümün sonunda sıraya dönə biləcək. 

Onu da bildirək ki, tovuzluların Premyer Liqanın III dövrəsinin son turunda "Qarabağ"la matçda xeyli itkisi var. Belə ki, köhnə zədəlilər - moldovalı müdafiəçi Denis Marandiçi ilə braziliyalı hücumçu Paçu bu matçı da buraxacaq. Məşqdə zədələnən rusiyalı yarımmüdafiəçi Ayxan Quseynov matça ehtiyatdan başlayacaq. Braziliyalı müdafiəçi Bruno Qonçalves isə vərəqə limitini aşdığından cəzalıdı.