Quluzadə Çində hazırlığa yollandı

Stolüstü tennisçilərimizi qarşıda daha bir ciddi sınaq gözləyir.

Presssport.az xəbər verir ki, yığma komanda mayda Buxarestdə təşkil olunacaq Avropa çempionatında mübarizə aparacaq.

İdmançılarımız məsul yarışa hazırlığı davam etdirirlər. Komandamızın üzvləri qitə birinciliyinədək bir neçə beynəlxalq turnirlə yanaşı, təlim-məşq toplanışlarına da qatılacaqlar.

Onlardan biri – Onur Quluzadə bu məqsədlə Çinə yollanıb. İstedadlı idmançı aprelin 1-dək baş məşqçi Mixail Timofeyevin rəhbərliyi ilə Çin millisinin Jenqdinq şəhərindəki təlim-məşq bazasında toplanışda olacaq.

Quluzadə, həmçinin komandamızın digər üzvləri bundan əvvəl də Çin Xalq Respublikasının məşhur stolüstü tennis bazalarında hazırlıq keçiblər.