Ardıcıl iki böyükhesablı məğlubiyyət aldıq, darmadağın etməklə bitirdik

17 yaşadək qadın futbolçulardan ibarət Azərbaycan millisi Avropa çempionatının seçmə mərhələsinin II raundunda B liqasının 2-ci qrupunda son oyununu keçirib.

Presssport.az xəbər verir ki, yığmamız Moldovadan olan həmyaşıdları ilə üz-üzə gəlib.

Bolqarıstanda keçirdiyi ilk iki görüşündə xal qazana bilməyən komandaların duelindən Azərbaycan yığması böyükhesablı qalibiyyətlə ayrılıb - 4:1. Komandamızın qollarına Ayşən Salamzadə (7-ci dəqiqə), Arzu Cəfərova (25), Vahidə Əlipaşayeva (63) və Xanım Əsədova (78) imza atıblar. Bununla yığmamız qrupu 3 xalla 3-cü pillədə başa vurub.

Xatırladaq ki, millimiz ilk iki matçında böyükhesablı məğlubiyyətlər almışdı - Bolqarıstana 1:6, Sloveniyaya 0:4.