AFFA-nın 4-cü prezidenti - ardıcıl 3-cü dəfə "Neftçi"nin rəhbərliyindən

AFFA-nın yeni prezidentinin adına aydınlıq gəlib.

Presssport.az əbər verir ki, bu vəzifəyə SOCAR prezidenti, “Neftçi”nin Müşahidə Şurasının sədri Rövşən Nəcəf gətirilir. 

AFFA-nın bu gün rəsmi şəkildə açıqladığı siyahıda adıçəkilən şəxs qurumun rəhbəri vəzifəsinə yeganə namizəd olduğu göstərilib. 

Beləliklə, Nəcəf AFFA-nın 32 illik tarixinin 4-cü prezidenti olacaq. AFFA-nın əvvəlki prezidenləri Fuad Musayev və Ramiz Mirzəyev olub. 2008-ci ildən bugünə qədər isə AFFA rəhbəri Rövnəq Abdullayevdi ki, İK-nın son iclasında budəfəki seçkidə namizəd olmayacağını açıqlayıb.

Maraqlıdı ki, Abdullayev, habelə mərhum Mirzəyev AFFA-ya məhz “Neftçi”nin prezidenti olandan sonra gəliblər.

 Xatırladaq ki, AFFA-nın Hesabat-Seçki Konfransı aprelin 2-də keçiriləcək.