8 yeni, 4 köhnə, 1 köhnə-yeni

Aprelin 2-də AFFA-nın Hesabat-Seçki Konfransı keçiriləcək.

Presssport.az xəbər verir ki, seçkidə AFFA-ya yeni prezident və qurumun İcraiyyə Komitəsinə (İK) üzvlər seçiləcək.

Hazırkı İK üzvlərindən yalnız Elşad Nəsirov, Zaur Axundov, Könül Mehdiyeva və Fərid Mansurov komitədə qalır. Digər 9 üzv - Rövnəq Abdullayev, Elxan Məmmədov, İsgəndər Cavadov, Kazbek Tuayev, Rauf Əliyev, Vaqif Sadıqov, Firudin Qurbanov, Mahir Məmmədov və Elmar Məmmədyarov yeni komitədə yer almayacaqlar.

Rəsmi açıqlanan siyahıya əsasən, İK-yə namizəd göstərilən 13 nəfərdən 9 nəfər komitəyə yeni üzv seçiləcək. Onlardan yalnız “Qarabağ”ın baş məşqçisi Qurban Qurbanov vaxtilə - 2018-ci ildə millinin baş məşqçisi təyin olunanda bu quruma üzv seçilmiş, həmin postdan gedəndən sonra İK-dan da öz istəyilə ayrılmışdı. AFFA-nın baş katibi Sərxan Hacıyev isə ilk dəfə İK üzvü olacaq. Belə ki, bu postun sahibi adətən İK üzvü olmur. 

Digər yeni üzvlər aşağıdakılardı:

Rövşən Nəcəf - "Neftçi" PFK tərəfindən

Səməd Qurbanov – "Neftçi" PFK tərəfindən

Xəyal Cəfərov – "Sumqayıt" FK tərəfindən

Maqsud Adıgözəlov – "Sabah" FK tərəfindən

Balakişi Qasımov – Şimal Regional Futbol Federasiyası İctimai Birliyi tərəfindən

Ülvi Mansurov – Azərbaycan Futzal Federasiyası tərəfindən

Leyla Xəlilova – Azərbaycan Tələbə Futbol Federasiyası tərəfindən

Xatırladaq ki, AFFA-nın bu gün açıqladığı siyahıda  SOCAR-ın prezidenti, “Neftçi”nin Müşahidə Şurasının sədri Rövşən Nəcəfin qurumun rəhbəri vəzifəsinə yeganə namizəd olduğu qeyd edilib.