Bojoviçin son əyalət səfəri, Renduliçin "3-də 3" etmək şansı

Azərbaycan Premyer Liqasında ikihəftəlik fasilə başa çatır.

Presssport.az xəbər verir ki, turun yeganə əyalətdəki matçı açılış oyunu olacaq.

Belə ki, “Qəbələ” “Neftçi”ni qonaq edəcək. Bu, əcnəbi mütəxəssislərin dueli baxımından maraq doğurur. "Ağ-qaralar"ın monteneqrolu çalışdırıcısı Miodraq Bojoviçin bu, cari mövsümdə əyalətdə, ümumiyyətlə, paytaxtdan kənara son səfəri olacaq. “Neftçi”nin son pillənin sahibiylə qarşılaşdığını nəzərə alsa, ilk "3-lük"də yerini qorumaq, hətta 2-yə yüksəlmək üçün yaxşı şansı var. Çünki hazırda bu yerdə qərarlaşan, eyni xala malik həmşəhərliləri “Sabah” bu turda daha çətin qarşısında olacaq. Onun "Zirə"ylə Masazırdakı görüşü bu turun mərkəzi matçıdı. Rəşad Sadıqovun komandasının rəqibindən cəmi 1 xal geri qaldığını nəzərə alsaq, qalib gələrsə, rəqibini keçəcək. Özü də zirəlilərin "Sabah" üzərində 2 qələbəsi olduğundan, bu turda uduzmasa, yekunda xallar bərabər olarsa, şəxsi oyunlardakı nəticələrə görə üstünlük ona avantaj vermiş olacaq. Onu da bildirək ki, “Sabah” xorvatiyalı yeni baş məşqçisi Krunoslav Renduliçlə hələ ki xal itirməyərək, 2 oyunda 2 qələbə qazanıb. 

“Zirə”nin turnir cədvəlində “qonşu”su “Sumqayıt” bu turda ev matçına çıxacaq. Samir Abasovun komandası “Mehde Hüseynzadə”nin açılışını qələbəylə qeyd edəndən - “Neftçi”ni 2:1 hesabıyla məğlub edəndən sonra orda qələbə üzünə həsrət qalıb. Bu dəfə Sumqayıta qonaq gələcək “Araz-Naxçıvan” qalib gəlməlidi ki, avrokuboklara iddiasını saxlamış olsun.

“Səbail”lə “Turan Tovuz” da turnir cədvəlində “qonşu”du. Onların duelində də məğlub tərəf “Avropa qatarı”ndan yavaş-yavaş ayrıı düşməli olacaq. 

Və təbii ki, bu tur çempionluğu rəsmiləşməsi baxımından daha çox maraq doğurur. “Kəpəz” nominal meydan sahibi olacağı “Tofiq Bəhramov”a bu çempionatda 3-cü dəfə çıxacaq. Belə ki, gəncəlilər ötən tur "Zirə"nin də mərkəzi arenada qonağı olmuşdu. 

29 mart (cümə)

“Qəbələ” – “Neftçi”
Hakimlər: Cavid Cəlilov, Müslüm Əliyev, Kamran Bayramov, Nicat İsmayıllı
Hakim-inspektor: Vüsal Əliyev
AFFA nümayəndəsi: Anar Şixəliyev
Qəbələ şəhər stadionu, 16:30

Xari çempionatdakı matçlar - 0:2, 0:2, 1:3

“Kəpəz” – “Qarabağ”
Hakimlər: Rauf Cabarov, Namiq Hüseynov, Rahil Ramazanov, Vüqar Həsənli
Hakim-inspektor: Anar Salmanov
AFFA nümayəndəsi: Zaur Hacı-Məhərrəmov
Tofiq Bəhramov adına Respublika stadionu, 19:00

Cari çempionatdakı matçlar - 1:1, 1:7, 1:2

30 mart (şənbə)

“Səbail” – “Turan Tovuz”
Hakimlər: Rəvan Həmzəzadə, Cəmil Quliyev, Teymur Teymurov, Fərid Hacıyev
Hakim-inspektor: Babək Quliyev
AFFA nümayəndəsi: Asif Əliyev
“ASCO Arena”, 16:30

Cari çempionatdakı matçlar - 3:1, 2:1, 1:3

“Sabah” – “Zirə”
Hakimlər: Elçin Məsiyev, Elşad Abdullayev, Pərvin Talıbov, Rauf Allahverdiyev
Hakim-inspektor: Ömər Paşayev
AFFA nümayəndəsi: Azər Əsgərov
“Bank Respublika Arena”, 19:00

Cari çempionatdakı matçlar - 0:1, 0:1, 1:0

31 mart

“Sumqayıt” - “Araz-Naxçıvan”

Sumqayıt. Mehdi Hüseynzadə adına şəhər stadionu
Cari çempionatdakı matçlar - 1:1, 2:0, 1:1