"Fransa klublarından təkliflər almışam" - "Qarabağ"ın legioneri

"Qarabağ"ın legioneri Yassin Benzia cari mövsümdəki çıxışı ilə bağlı danışıb

Presssport.az xəbər verir ki, Əlcəzair millisinin üzvü olan 30 yaşlı yarımmüdafiəçi Ağdam klubundakı performansını belə dəyərləndirib: "Bu mövsüm Avropa Liqasındakı oyunlar da daxil olmaqla 40 matçda oynaya bildim. Fransa II Liqa klublarından təkliflər almışam. Amma özümü orda görmürəm. Mövsümü əla keçirirəm və “Qarabağ”da xoşbəxtəm. Nəhayət, hər şey planlaşdırdığımız kimi gedir".

Xatırladaq ki, Benzia keçən ilin yanvarında “Qarabağ”a keçib. O, müqaviləylə 2025-ci il iyunun 30-na qədər Ağdam klubuna məxsusdu.