Benzia "Lion"da Benzemanın əvəzedicisi olaraq gördükləri dövrə qayıtmasıyla razılaşır: "Bəli, mənə belə təkliflər olub"

"Qarabağ"ın Premyer Liqanın 29-cu turu çərçivəsində evdə 4:2 hesabıyla qalib gəldikləri matçı yarımmüdafiəçisi Yassin Benzia dubla imza atıb.

Presssport.az xəbər verir ki, matçdan sonra Benzia sualları cavablandırıb:

- Çempionluq təmin olunub deyə, oyunlara hazırlaşmaq çətindir, ya asan?
 - Baxmayaraq ki, çempion olmuşuq, amma hər oyuna ciddi yanaşırıq. Çünki statusumuz var. Hər oyuna ciddi yanaşaraq meydana qələbə üçün çıxırıq.

- Bu gün iki qol vurdunuz…
- Önəmli olan bu gün qələbə qazanmaq idi. Komanda üçün vacib idi. Çox xoşbəxtəm.

- Son zamanlar performansınız yüksələn xətlə inkişaf edir. Milli komanda forması ilə bir qolunuz “Puşkaş mükafatı”na namizəd göstərilir. Bu haqda fikriniz necədir?
 - Əlbəttə, buna görə çox xoşbəxtəm. Gözəl qol alındı. Bu performansı qazanmaq üçün çox çalışmışam. Son dövrlər bu, məndə alınır. Buna görə Allaha da təşəkkür edirəm.

- Bir zamanlar "Lion" da çıxış edərkən sizi Kərim Benzemanın əvəzedicisi olaraq görürdülər. Həmin dövrə qayıtdığınızı demək olar?
 - Hazırda bəli, inkişaf edirəm. Öz baş məşqçimə və məşqçi korpusuna təşəkkür edirəm. Çünki onlar mənə xüsusi yanaşırla, inkişafımda səy göstərirlər. 

- Ötən həftə sizə gələn təkliflər barədə Fransa mətbuatına özünüz açıqlama vermişdiniz?
 - Bəli, mənə belə təkliflər olub.

- Bəs hazırda necə, təkliflər var?
- Hazırda öz komandama diqqətimi yönəltmişəm. Bütün bu məsələlər barədə sezonun sonunda danışmaq olar.

- Faiz etibarilə, "Qarabağ"dan getməyiniz və ya qalmağınız barədə nə deyə bilərsiniz?
 - Burda çox şadam. Hələ bir il də müqaviləm var. Ona görə nəsə demek tezdi (fanat.az)