Ronaldo meydandan qalmaqallı şəkildə qovuldu

Səudiyyə Ərəbistanının "Əl-Nəsr" klubunun kapitanı Kriştiano Ronaldo rəqib futbolçunu dirsəklə vurduğuna görə meydandan qovulub.

Presssport.az xəbər verir ki, 39 yaşlı portuqaliyalı ulduz futbolçu ölkə kubokunun yarımfinalı çərçivəsində “Əl-Hilal”la ev matçının 86-cı dəqiqəsində Renan Lodiyə zərbə endirib.

Ronaldo ardınca yumruğunu baş hakimə tərəf tutaraq qeyri-idman hərəkəti edib. Nəticədə baş hakim hücumçuya qırmızı vərəqə göstərib.

Onu da bildirək ki, Əbu-Dabi şəhərində baş tutan görüşdə Ronaldonun komandası 1:2 hesabıyla yenilib.